Ordni tal-Kunsill tal-Pagi tal-Uffiċċji ta' Professjonijiet biex jirregola l-Pagi

LEĠISLAZZJONI SUSSIDJARJA 452.39

ORDNI TAL-KUNSILL TAL-PAGI

TAL-UFFIĊĊJI TA’ PROFESSJONIJIET

BIEX JIRREGOLA L-PAGI

10 ta’ Novembru, 1975

L-AVVIŻ LEGALI 127 tal-1975, kif emendat bl-Avviżi Legali 104 tal-

1976, 114 tal-1977, 37, 46 tal-1979, 427 tal-2007, 129 tal-2010, 362 tal-

2012, 33, 444 tal-2013, 482 tal-2014, 5 tal-2016, 97 u 383 tal-2017 u 104 u

351 tal-2019, 469 tal-2020, 464 tal-2021, 335 tal-2022, 286 tal-2023, 341 tal-

2024 u 288 tal-2025.

It-titolu ta’ din l-Ordni hu Ordni tal-Kunsill tal-Pagi tal-

Uffiċċji ta’ Professjonijiet biex jirregola l-Pagi.

1. F’din l-Iskeda, kemm-il darba l-kuntest tal-kliem ma

jeħtieġx xort’oħra -

"festi tas-soltu" tfisser il-ġranet. barra mill-Ħdud, iddikjarati

bħala btajjel pubbliċi skond jew taħt l-Att dwar il-Jum Nazzjonali u

Btajjel Pubbliċi oħra;

"nofs ta’ nhar" tfisser perjodu ta’ nofs in-numru ta’ sigħat ta’

xogħol li jinħadmu f’kull ġurnata;

"ħinijiet ta’ xogħol" tfisser il-ħin f’kull ġurnata li fih l-impjegati

jkunu għad-dispożizzjoni tal-prinċipal esklużi l-intervalli għall-ikel

u għall-mistrieħ;

"learner" tfisser persuna li mhix apprendista li jkollha aktar

minn erbatax-il sena u anqas minn tmintax-il sena u li tkun qegħda

tirċievi taħriġ f ’xi sengħa li għaliha tapplika din l-Iskeda, u li

dwarha l-prinċipal ikollu permess maħruġ, skond l-Att dwar

Servizzi ta’ Impjieg u Taħriġ;

"ħinijiet normali tax-xogħol" tfisser il-ħinijiet tax-xogħol f’kull

ġimgħa li jkunu miftehma bejn il-prinċipal u l-impjegat skond id-

dispożizzjonijiet tal-paragrafu 2 ta’ din l-Iskeda;

"impjegat part-time" tfisser impjegat li s-sigħat normali tax-

xogħol tiegħu, kalkolati fuq bażi ta’ ġimgħa jew fuq medja tul

perjodu ta’ impieg sa sena, huma inqas mis-sigħat normali tax-

xogħol ta’ impjegat whole-time komparabbli u li ma jkunx impjegat

whole-time b’sigħat imnaqqsa;

"perjodu ta’ mpieg" tfisser il-ħin f ’ġurnata waħda li fih l-

impjegati jkunu għad-dispożizzjoni tal-prinċipal, iżda nklużi l-

intervalli permessi għall-ikel u għall-mistrieħ;

"ħin-u-nofs" u "ħin doppju" ifissru rispettivament darba u nofs u

darbtejn ir-rata tal-ħin li tapplika għall-impjegati;

"paga" tfisser rimunerazzjoni jew qligħ li jitħallas bi flus minn

prinċipal lill-impjegat;

"ġimgħa" tfisser il-ġimgħa kalendarja;

"ġurnata ta’ mistrieħ fil-ġimgħa" tfisser perijodu ta’ erbgħa u

għoxrin siegħa konsekuttivi li jibdew mill-ħin li fih l-impjegat

normalment jibda t-turn tax-xogħol tiegħu;

"impjegat whole-time" tfisser impjegat li hu meqjus bħala

impjegat whole-time skont xi kondizzjonijiet magħrufin tal-impieg.

2. L-inqas paga fil-ġimgħa għandha tkun relattiva għal -

(a) mhux iżjed minn erbgħin siegħa xogħol, ħlief fil-każ

ta’ gwardjani; jew

(b) mhux iżjed minn sittin siegħa xogħol mifruxa fuq

ġimgħa ta’ sitt ijiem, fil-każ ta’ gwardjani.

Id-dispożizzjonijiet murija fl-Iskeda għandhom japplikaw

għall-impjegati kollha li dwarhom jgħodd il-Kunsill tal-Pagi tal-

Uffiċċji ta’ Professjonijiet.

(1) L-impjegati whole-time tal-età ta’ tmintax-il sena jew

fuqhom m’għandhomx jitħallsu inqas mill-pagi li ġejjin

KATEGORIJA 1

Mal-impieg ..................................................... €229.44

KATEGORIJA 2

Mal-impieg ..................................................... €230.02

KATEGORIJA 3

Matul l-ewwel, it-tieni u t-tielet sena

ta’ impieg fil-kategorija .................................. €231.19

Matul ir-raba’ u s-snin ta’ wara

ta’ impieg fil-kategorija .................................. €233.52

KATEGORIJA 4

Matul l-ewwel, it-tieni u t-tielet sena

ta’ impieg fil-kategorija .................................. €232.35

Matul ir-raba’ u s-snin ta’ wara

ta’ impieg fil-kategorija .................................. €234.68

KATEGORIJA 5

Matul l-ewwel, it-tieni u t-tielet sena

ta’ impieg fil-kategorija .................................. €235.85

Matul ir-raba’ u s-snin ta’ wara

ta’ impieg fil-kategorija .................................. €238.18

KATEGORIJA 6

Matul l-ewwel sena ta’ impieg

fil-kategorija ................................................... €240.51

Matul it-tieni sena ta’ impieg

fil-kategorija ................................................... €245.16

Matul it-tielet sena u s-snin ta’ wara

ta’ impieg fil-kategorija ...................................€249.92.

(2)

(i) L-inqas paga ta’ impjegati tal-età ta’ sbatax-il sena

tkun ta’ 90% tal-pagi ta’ hawn fuq.

(ii) L-inqas paga ta’ impjegati tal-età ta’ sittax-il sena tkun

ta’ 85% tal-pagi ta’ hawn fuq.

(3)

F’dan il-paragrafu -

"Kategorija 1" tinkludi charwoman/fattiga, gwardjan, chainman,

messaġġier, receptionist;

"Kategorija 2" tinkludi telephone attendant/operator, xufier,

printer;

"Kategorija 3" tinkludi skrivan/clerk typist, card puncher

operator, tracer/drawing office assistant, taker off, assistent ta’

riċevitur tal-lottu;

"Kategorija 4" tinkludi shorthand typist, book-keeper/accounts

clerk, law clerk;

"Kategorija 5" tinkludi site supervisor, disinjatur, quantity

surveyor assistant/kalkulatur, land surveyor, clerk of works, artist,

accountant, skrivan, awditur;

"Kategorija 6" tinkludi uffiċjali li għandhom setgħat eżekuttivi fi

trade unions/assoċjazzjonijiet;

"quantity surveyor assistant/kalkulatur" huwa impjegat li għal

kollox jew prinċipalment jaħdem fil-preparazzjoni ta’ stimi ta’

xogħol taħt id-direzzjoni ta’ arkitett u inġinier ċivili jew ta’

kwalunkwe inġinier ta’ mekkanika, tal-elettriku jew tal-marina, jew

quantity surveyor li għandu l-kwalifiki neċessarji biex jeżerċita l-

professjoni tiegħu f'Malta;

" chainman " huwa mpjegat li jaħdem għal kollox jew

prinċipalment filli jassisti surveyor. Ix-xogħlijiet tiegħu jistgħu

jinkludu s-setting ta’ theodolite u n-notamenti ta’ readings

meħudin minnu, imma ma jinkludux plotting;

"disinjatur" huwa mpjegat li jaħdem għal kollox jew

prinċipalment fil-preparazzjoni ta’ sketches oriġinali, jew fit-

tpinġija ta’ disinji minn fuq abbozzi ta’ sketches , u fil-

preparazzjoni ta’ working drawings kompliti relevanti għalihom.

Disinjatur jista’ jiġi meħtieġ li jagħmel xogħol ta’ field survey fuq

barra u jipprepara stimi taħt id-direzzjoni ta’ arkitett u inġinier

ċivili jew ta’ inġinier tal-mekkanika, elettriku jew marina, jew ta’

arkitett navali li jkollu l-kwalifiki neċessarji biex jeżerċita l-

professjoni tiegħu f’Malta;

"tracer/drawing office assistant" huwa mpjegat li jaħdem għal

kollox jew prinċipalment fl-ikkopjar ta’ disinji jew partijiet

magħmula minn disinjatur billi jittraċċahom bil-linka jew bil-lapes

f u q k a r t a t r a s p a r e n t i , j e w k a n v a s , b l - u ż u t a ’ T S q u a re s ,

kumpassijiet, pinen u strumenti oħra tad-disinn;

"law clerk" huwa persuna li mhix lawrjata li hija impjegata biex

tassisti avukat, nutar pubbliku jew prokuratur legali fil-

formulazzjoni ta’ atti jew verbali ta’ kuntratti, jew notamenti fir-

Reġistru Pubbliku, tagħmel riċerki fir-Reġistru Pubbliku, iżżomm

l-appuntamenti, tieħu nota tal-aġġornamenti tal-Qorti u b’mod

ieħor tgħin lill-prinċipal fix-xogħol tiegħu;

"site supervisor" huwa mpjegat li jassisti arkitett u inġinier ċivili

jew kwalunkwe inġinier ieħor awtorizzat biex jeżerċita l-

professjoni tiegħu f’Malta billi jagħmel superviżjoni fuq is-sit tax-

xogħlijiet li jkunu qed jinħadmu;

" surveyor " huwa mpjegat li jaħdem għal kollox jew

prinċipalment billi jagħmel surveys ta’ artijiet u siti għall-iskopijiet

ta’ bini u inġinerija ċivili;

"taker off" huwa mpjegat li jassisti quantity surveyor assistant

jew kalkulatur fix-xogħol tiegħu u jieħu l-qisien minn fuq is-sit

tax-xogħol jew minn fuq disinji fuq skala, imma ma jagħmilx

kalkolazzjonijiet.

L-impjegati part-time għandhom jiġu mħallsa pro rata

b’rata fis-siegħa mhux anqas minn dik applikabbli għal impjegati

whole-time, jiġifieri r-rata murija fil-paragrafu preċedenti diviża

b’erbgħin bil-kundizzjoni li l-ħlas li jsir ma għandux taħt ebda

ċirkostanza jkun inqas mill-ekwivalenti ta’ tliet sigħat xogħol kull

ġurnata.

L-impjegati whole-time kollha għandu jkollhom intervalli

għall-ikel u l-mistrieħ ta’ mhux anqas minn siegħa kuljum.

L-impjegati whole-time kollha għandu jkollhom ġurnata

speċifikata ta’ mistrieħ fil-ġimgħa.

L-i-impjegati whole-time għandhom jitħallsu s-sahra, bir-

rati li ġejjin

(a) f’kull ġimgħa, għall-ħin kollu li jaħdmu barra l-ħinijiet

normali tax-xogħol ’il fuq minn erbgħin siegħa eskluża

kull sahra mħallsa skond id-dispożizzjonijiet

sussegwenti .................. ħin u nofs;

(b) għal kull ħin li jaħdmu fil-ġurnata ta’ mistrieħ fil-

ġimgħa u fil-festi tas-soltu ..................... ħin doppju.

L-impjegati fil-kategorija 6 ikunu meħtieġa jaħdmu ħin barra l-

ħinijiet normali tax-xogħol skond l-esiġenzi tal-impieg tagħhom

mingħajr ħlas.

L-impjegati

whole-time

ikollhom

dritt,

f’kull

sena

kalendarja, għal -

(a) il-festi tas-soltu kollha b’paga sħiħa, u

(b) wara tliet xhur fl-impieg, leave ta’ vaganza ta’ dak in-

numru ta’ ġranet tax-xogħol b’paga sħiħa li jkun daqs

in-numru ta’ ġranet tax-xogħol li dak l-impjegat

partikolari normalment ikollu jattendi għax-xogħol

matul perjodu ta’ erba’ ġimgħat

Iżda l-impjegati whole-time li jkun ilhom fl-impieg

għal anqas minn sena jkollhom dritt għal dik il-parti

tal-imsemmi leave ta’ vaganza li tkun bi proporzjon

għan-numru ta’ xhur fl-impieg

Iżda wkoll il-vaganzi bi ħlas għandhom jiġu

meħuda f’jiem miftehma bejn il-prinċipal u l-impjegat,

jistgħu jiġu mogħtija f’perjodi ta’ nofs ta’ nhari u

jistgħu jiġu akkumulati matul perjodu li ma jeċċedix

sentejn kalendarji suċċessivi.

(1) Impjegat whole-time għandu f’kull sena kalendarja

jkun intitolat għall-ekwivalenti f ’sigħat ta’ għoxrin jum leave

għall-mard b’paga sħiħa, nieqes ammont ugwali għas-somma

stabbilita bħala dritt tal-benefiċċju għall-mard bir-rata stabbilita

taħt l-Att dwar is-Sigurtà Soċjali, u impjegati part-time għandu

jkollhom dritt pro rata għal-leave għall-mard f’sigħat b’paga sħiħa,

nieqes ammont ugwali għas-somma stabbilita bħala dritt tal-

benefiċċju għall-mard bir-rata stabbilita taħt l-Att dwar is-Sigurtà

Soċjali, u dak l-ammont għandu wkoll jiġi kalkulat fuq bażi pro

rata

Iżda -

(a) l-ewwel tlett ijiem ta’ kull talba għal-leave għall-mard

għandhom jitħallsu interament mill-prinċipal;

(b) ċertifikat mediku li jkopri l-perjodu tal-assenza

għandu jiġi ppreżentat lill-prinċipal fil-ġurnata tar-

ritorn lura għax-xogħol jew, jekk dak il-perjodu ta’

assenza jaqbeż sebat ijiem, fi żmien sebat ijiem mill-

bidu tal-assenza minħabba fil-leave għall-mard;

(ċ) impjegati li jirċievu pensjoni tas-sigurtà soċjali fir-

rigward ta’ irtirar jew benefiċċju tar-romol skont l-Att

dwar is-Sigurtà Soċjali għandhom, għall-iskop ta’

kalkolu ta’ ħlas tal-leave għall-mard dovut, jitqiesu li

rċevew ammont ugwali għas-somma stabbilita bħala

dritt tal-benefiċċju għall-mard bir-rata stabbilita taħt l-

Att dwar is-Sigurtà Soċjali.

(2) Impjegat whole-time għandu f’kull sena kalendarja jkun

intitolat għall-ekwivalenti f’sigħat ta’ għoxrin jum tax-xogħol ieħor

leave għall-mard b’nofs paga, nieqes ammont ugwali għal nofs is-

somma stabbilita bħala dritt tal-benefiċċju għall-mard bir-rata

stabbilita taħt l-Att dwar is-Sigurtà Soċjali, u impjegati part-time

għandu jkollhom dritt pro rata għal-leave tal-mard f’sigħat b’nofs

paga, nieqes ammont ugwali għan-nofs is-somma stabbilita bħala

dritt tal-benefiċċju għall-mard bir-rata stabbilita taħt l-Att dwar is-

Sigurtà Soċjali, u dak l-ammont għandu wkoll jiġi kalkulat fuq bażi

pro rata

Iżda -

(a) l-ewwel tlett ijiem ta’ kull talba għal-leave tal-mard

għandhom jitħallsu b’nofs paga mill-prinċipal;

(b) ċertifikat mediku li jkopri l-perjodu tal-assenza

għandu jiġi ppreżentat lill-prinċipal fil-ġurnata tar-

ritorn lura għax-xogħol jew, jekk dak il-perjodu ta’

assenza jaqbeż sebat ijiem, fi żmien sebat ijiem mill-

bidu tal-assenza minħabba fil-leave għall-mard;

(ċ) impjegati li jirċievu pensjoni tas-sigurtà soċjali fir-

rigward ta’ irtirar jew benefiċċju tar-romol skont l-Att

dwar is-Sigurtà Soċjali għandhom, għall-iskop ta’

kalkolu ta’ ħlas tal-leave għall-mard dovut, jitqiesu li

rċevew ammont ugwali għan-nofs is-somma stabbilita

bħala dritt tal-benefiċċju għall-mard bir-rata stabbilita

taħt l-Att dwar is-Sigurtà Soċjali.

(3) Il-prinċipal jista’ jitlob ċertifikat mediku maħruġ mit-tabib

tiegħu li jiċċertifika inkapaċità għax-xogħol matul il-perjodu ta’

assenza.

(4) Id-dritt ta’ leave għall-mard mogħti bis-saħħa ta’ dan il-

paragrafu għandu jiġi kalkolat fuq il-bażi provduta għal-leave

annwali kif speċifikat fir-regolament 8(1) tar-Regolamenti dwar l-

Organizzazzjoni tal-Ħin tax-Xogħol.

L-impjegati whole-time jkollhom jumejn leave bi ħlas

f ’każ ta’ mewt ta’ xi wieħed minn dawn il-qraba: il-mara jew ir-

raġel, l-omm, il-missier, l-iben, il-bint, ħuh jew oħtu.

L-impjegati whole-time għandu jkollhom ġurnata leave bi

ħlas fl-okkażjoni tat-twelid ta’ tarbija lil mart l-impjegat.

L-impjegat whole-time jingħata tliet ijiem leave b’paga

sħiħa meta jiżżewweġ.

L-impjegat whole-time jkollu jedd għal sena leave għal

korriment b’paga sħiħa, nieqes l-ammont sħiħ ta’ kull benefiċċju

għal korriment li għalih dak l-impjegat jista’ jkollu jedd skond l-

Att dwar is-Sigurtà Soċjali, jekk ikorri waqt il-qadi attwali ta’

dmirijietu u dak il-korriment ma jiġġarrabx minħabba xi negliġenza

kontributorja minn naħa tiegħu jew minħabba l-ksur minnu ta’ xi

regoli ta’ tħaris mill-periklu stabbiliti mill-management.

L-impjegat whole-time li jissejjaħ għal servizz bħala ġurat

jingħata l-ħin kollu meħtieġ b’paga sħiħa sabiex jattendi fil-Qorti.

F’każijiet fejn irtirar mix-xogħol tal-impjegat raġel ikun

mistenni fl-età ta’ sittin sena, dan l-impjegat għandu jingħata l-

opportunità mill-prinċipal biex jibqa’ fl-impieg tiegħu wara li jkun

laħaq is-sittin sena sakemm ikollu wieħed u sittin sena, iżda, l-

istess impjegat jitħalla, jekk ikun irid hekk, jirtira fl-età ta’ sittin

sena.

NOTA TA’ TIFSIR

Din in-nota mhix parti mill-Iskeda iżda hija maħsuba biex turi l-

applikabilità tagħha.

Id-dispożizzjonijiet tal-Iskeda ta’ hawn fuq japplikaw għall-

impjegati kollha f ’kull uffiċċju jew stabbiliment jew parti minn

stabbiliment, li l-attivitajiet tiegħu jikkonsistu għal kollox jew

prinċipalment f’xogħol li jsir f’xi wieħed mill-uffiċċji ta’ -

(a) trade unions inklużi assoċjazzjonjjiet ta’ karattru

simili;

(b) uffiċċji ta’ arkitetti, inġinieri, avukati, nutara pubbliċi,

riċevituri

tal-lottu,

accountants,

book-keepers,

awdituri u konsulenti f’kull branka tal-inġinerija,

arkitettura, liġi u accounting;

(ċ) stabbilimenti ta’ riċerka u tax-xjenza (barra minn

laboratorji annessi ma’ l-isptarijiet privati);

(d) market

research

units,

aġenziji

tar-reklami,

stabbilimenti li jirċievu flus mill-pubbliku biex jiġu

investiti f’unit trusts jew li jkunu jmexxu unit trusts

(minbarra stabbilimenti li jmexxu negozju kollu kemm

hu jew prinċipalment ta’ assigurazzjoni).

Id-dispożizzjonijiet tal-Iskeda ta’ hawn fuq ma japplikawx

għal impjegati li l-ħlas tagħhom għax-xogħol li jagħmlu huwa

regolat b’tariffa magħmula b’liġi.