MT
Bye-Laws dwar il-Protezzjoni tat-Torri Belvedere u l-Mitħna tal-Għadiriet (Kunsill Lokali Ħal Lija)
Table of Provisions (6)
Statutory Text (6 Articles)
PROTEZZJONI TAT-TORRI BELVEDERE U L-MITĦNA
TAL-GĦADIRIET (KUNSILL LOKALI ĦAL LIJA)
LEĠISLAZZJONI SUSSIDJARJA 363.189
BYE-LAWS DWAR IL-PROTEZZJONI TAT-TORRI
BELVEDERE U L-MITĦNA TAL-GĦADIRIET
(KUNSILL LOKALI ĦAL LIJA)
17 ta’ Novembru, 2017
KUNSILL LOKALI BYE-LAW 32/09/2017.
It-titolu ta’ dawn il-Bye-Laws hu Bye-Laws dwar il-
Protezzjoni tat-Torri Belvedere u l-Mitħna tal-Għadiriet (Kunsill
Lokali Ħal Lija).
F’dawn il-Bye-Laws, kemm-il darba r-rabta tal-kliem ma
tkunx teħtieg xort’oħra
"l-Att" tfisser l-Att dwar Gvern Lokali;
"għamara tat-triq" tinkludi kull oġġett li jista’ jitqiegħed jew
jitwaħħal mal-art jew li jitpoġġa jew jitwaħħal mal-ħajt jew ma’ xi
parti oħra tat-Torri Belvedere jew mal-Mitħna;
"il-Kunsill" tfisser il-Kunsill Lokali Ħal Lija;
"lokalità" tfisser il-lokalità ta’ Ħal Lija;
"il-Mitħna" tfisser il-Mitħna tal-Għadiriet li ġiet devoluta lill-
Kunsill fid-9 ta’ April 2003 u li tinsab fi Triq San Licinju kantuniera
ma’ Triq Annibale Preca;
"reklam" tfisser kull xorta ta’ reklam, inkluża kull promozzjoni
kummerċjali jew mhux, u tinkludi wkoll kull avviż, notifika jew
messaġġ ieħor stampat jew bil-kitba;
"it-Torri" tfisser it-Torri Belvedere li ġie devolut lill-Kunsill
fit-12 ta’ Jannar 2011 u li jinsab ġewwa Vjal it-Trasfugurazzjoni.
Ħadd ma għandu mingħajr il-permess minn qabel bil-
miktub tal-Kunsill-
(a)
jagħmel xi tip ta’ rbit mat-Torri jew mal-Mitħna
permezz ta’ ħbula jew mezzi oħra;
(b)
iwaħħal xi tabella, banner, sticker jew reklam ma’
xi parti tat-Torri jew mal-Mitħna;
(ċ)
iwaħħal jew ipoġġi xi għamara tat-triq ma’ jew
fuq it-Torri jew mal-Mitħna.
Kull persuna li tikser jew tonqos li tħares xi waħda mid-
dispożizzjonijiet ta’ dawn il-Bye Laws tkun ħatja ta’ kontravvenzjoni,
u teħel meta tinstab ħatja
PROTEZZJONI TAT-TORRI BELVEDERE U L-MITĦNA
TAL-GĦADIRIET (KUNSILL LOKALI ĦAL LIJA)
(a)
għall-ewwel
kontravvenzjoni
ammenda
ta’
sebgħin euro (€70); u
(b)
fil-każ ta’ reat kontinwat ammenda oħra ta’
ħmistax -il euro (€15) għal kull jum li matulu jkompli r-reat.
L-għoti ta’ piena taħt dawn il-Bye-Laws tkun bla ħsara
għall-jedd tal-Kunsill li jiġbor id-danni ċivili kollha li jkunu saru bl-
għemil ta’ xi kontravvenzjoni taħt dawn il-Bye-Laws, inkluż id-dritt li
jagħmel it-tiswija meħtieġa bi spejjeż tal-persuna misjuba ħatja.