MT
taħt il-patroċinju tal-Fakultà tal-Ambjent Mibni
Table of Provisions (10)
Statutory Text (10 Articles)
B
Suppliment tal-Gazzetta tal-Gvern ta’ Malta Nru. 21,574, 21 ta’ Jannar, 2026
Taqsima B
A.L. 13 tal-2026
ATT DWAR L-EDUKAZZJONI
(KAP. 327)
L-Ordinamenti tal-2026 skont ir-Regolamenti Ġenerali
għar-Rikonoxximenti Universitarji sal-Ewwel Grad, 2019
għad-Diploma in Construction Management
taħt il-patroċinju tal-Fakultà tal-Ambjent Mibni
BIS-SAĦĦA tas-setgħat mogħtija lilu skont l-artikoli 74(5) u 75(6) tal-Att dwar
l-Edukazzjoni (Kap. 327), il-Kanċillier tal-Università ta’ Malta ppromulga dawn
l-ordinamenti magħmulin mill-Bord tal-Fakultà tal-Ambjent Mibni bis-saħħa tas-
setgħat mogħtija lilu skont l-artikolu 81(1)(ċ) ta’ dak l-Att u li ġew approvati mis-
Senat tal-Università ta’ Malta kif jirrikjedi l-artikolu 81(2) ta’ dak l-Att
Titolu u Interpretazzjoni
(1) Dawn l-ordinamenti jistgħu jissejħu bħala l-Ordinamenti tal-2026
skont ir-Regolamenti Ġenerali għar-Rikonoxximenti Universitarji sal-Ewwel Grad,
2019 għad-Diploma in Construction Management taħt il-patroċinju tal-Fakultà tal-
Ambjent Mibni.
(2) F’dawn l-ordinamenti, kemm-il darba r-rabta tal-kliem ma jeħtieġx
mod ieħor -
“il-Bord” tfisser il-Bord tal-Fakultà tal-Ambjent Mibni;
“iċ-Ċertifikat” tfisser is-Certificate in Construction Management;
“id-Diploma” tfisser id-Diploma in Construction Management;
“il-Kors” tfisser il-programm ta’ studju li jwassal għad-Diploma in
Construction Management; u
“ir-Regolamenti Prinċipali” tfisser ir-Regolamenti
Ġenerali
għar-
Rikonoxximenti Universitarji sal-Ewwel Grad, 2019.
L-Applikabilità
Dawn l-ordinamenti għandhom japplikaw għall-korsijiet li jibdew f’Ottubru
2025 jew wara.
Ir-Rekwiżiti għad-Dħul
(1) Il-Kors ikun miftuħ għall-applikanti li jissodisfaw ir-rekwiżiti ġenerali
għad-dħul kif speċifikati fir-Regolamenti għad-Dħul tal-Università.
(2) L-applikanti li jidħlu bħala “Studenti Adulti” skont il-paragrafu (ċ)
tar-regolament 6 tar-Regolamenti għad-Dħul għandu jkollhom dawk il-kwalifiki u
l-esperjenza li jissodissfaw lill-Bord, permezz ta’ intervista, li jkunu laħqu l-livell
akkademiku meħtieġ biex isegwu l-Kors bi profitt. Dawn l-applikanti jkunu
meħtieġa jissottomettu mal-applikazzjoni tagħhom ittra miktuba bl-Ingliż fejn jagħtu
l-motivazzjoni tagħhom biex jidħlu fil-Kors flimkien ma’ kopja tal-Curriculum Vitae
(C.V.) tagħhom.
(3) Il-bord tal-intervisti maħtur mill-Bord għandu jkun magħmul minn
għall-anqas tliet membri.
It-Tul tal-Kors
Il-Kors jinfirex fuq perijodu ta’ żewġ semestri ta’ studju full-time jew
l-ekwivalenti ta’ studju part-time.
Il-Programm ta’ Studju
Il-programm ta’ studju għandu jikkonsisti minn għadd ta’ taqsimiet-studju
li għalihom hemm assenjati 60 krettu ECTS.
Il-Bord għandu jippubblika l-programm ta’ studju mfassal skont il-
provvedimenti relevanti tar-Regolamenti Prinċipali u approvati mis-Senat. Suġġett
għal tibdiliet li l-Bord, bl-approvazzjoni tas-Senat, ikun kostrett li jagħmel, l-istudenti
huma marbuta li jsegwu t-taqsimiet-studji u jiksbu kretti kif indikat fil-programm ta’
studju.
L-istudenti li jtemmu b’suċċess taqsimiet-studju li għalihom hemm assenjati
30 krettu ECTS u jagħżlu li ma jkomplux il-Kors, jew wara li jkunu komplew ma
jtemmux il-Kors b’suċċess, ikunu ntitolati għall-għoti taċ-Ċertifikat.
L-istudenti jkunu eliġġibli għall-għoti tad-Diploma jekk jiksbu s-60 krettu
ECTS kif imniżżel fil-programm ta’ studju għall-Kors.
Il-Klassifikazzjoni tar-Rikonoxximent
(1) Il-Marka Medja Finali Mwieżna għall-iskop tal-klassifikazzjoni tad-
Diploma għandha tkun ibbażata fuq ir-riżultati miksuba waqt il-Kors, bil-kretti
kollha jingħataw piż indaqs.
(2) L-ismijiet tal-istudenti li jikkwalifikaw għall-għoti tad-Diploma
għandhom ikunu ppubblikati f’lista f’ordni alfabetiku kklassifikati kif ġej
Għadda b’Distinzjoni
Għadda b’Mertu
Għadda.
(3) L-għotja taċ-Ċertifikat ma tkunx ikklassifikata.