dwar Taxxa fuq il-Valur Miżjud (Emenda Nru 2)

Suppliment tal-Gazzetta tal-Gvern ta’ Malta Nru. 21,314, 13 ta’ Settembru, 2024

A.L. 228 tal-2024

ATT DWAR TAXXA FUQ IL-VALUR MIŻJUD

(KAP. 406)

Regolamenti tal-2024 li jemendaw il-Ħames Skeda li tinsab mal-Att

dwar Taxxa fuq il-Valur Miżjud (Emenda Nru 2)

BIS-SAĦĦA tas-setgħat mogħtija bl-artikolu 75 tal-Att dwar

Taxxa fuq il-Valur Miżjud, il-Ministru responsabbli għall-finanzi,

għamel dawn ir-regolamenti li ġejjin:-

(1) It-titolu ta’ dawn ir-regolamenti hu r-Regolamenti tal- Titolu u għan.

2024 li jemendaw il-Ħames Skeda li tinsab mal-Att dwar Taxxa fuq il-

Valur Miżjud (Emenda Nru 2) u dawn ir-regolamenti għandhom

jinqraw u jinftiehmu bħala ħaġa waħda mal-Ħames Skeda tal-Att dwar Kap. 406.

it-Taxxa fuq il-Valur Miżjud, hawn aktar ’il quddiem imsejħa l-

"Ħames Skeda".

(2) L-għan ta’ dawn ir-regolamenti huwa li jiddefinixxu l-

professjonijiet ta’ psikoterapija u konsulenza bħala professjonijiet

mediċi, skont ir-rekwiżit għall-Istati Membri li jiddefinixxu

professjonijiet mediċi u paramediċi skont l-Artikolu 132(1)(ċ) tad-

Direttiva tal-Kunsill 2006/112/EC tat-28 ta’ Novembru 2006 dwar is-

sistema komuni ta’ taxxa fuq il-valur miżjud, għall-fini tal-

applikazzjoni tal-eżenzjoni li tinsab fl-imsemmi Artikolu, kif ukoll

sabiex jitwettqu aġġustamenti rilevanti oħra meħtieġa għall-

interpretazzjoni korretta tad-dispożizzjonijiet rilevanti li jinsabu fil-

partita 11 tat-Taqsima Tnejn tal-Ħames Skeda, kif ukoll emendi

meħtieġa sabiex jirriflettu aħjar id-dispożizzjonijiet tad-Direttiva tal-

Kunsill imsemmija qabel fir-rigward ta’ eżenzjonijiet relatati mal-kura

tas-saħħa.

Il-partita 11 tat-Taqsima Tnejn tal-Ħames Skeda għandha Jemenda l-

Ħames Skeda.

tiġi emendata kif ġej

(a) is-subpartita (1) tagħha għandha tiġi sostitwita bis-

subpartita ġdida li ġejja

"Saħħa u welfare

(1) Il-provvista ta’ kura medika minn persuna

fl-eżerċizzju ta’ kwalunkwe professjoni regolata bl-Att

dwar il-Professjonijiet tas-Saħħa (Kap. 464), bl-Att dwar il-

Professjoni tal-Psikoloġija (Kap. 471), bl-Att dwar il-

Professjoni tal-Counselling (Kap. 538), bl-Att dwar il-

Professjoni tal-Psikoterapija (Kap. 587), jew b’kwalunkwe

Att li jista’ jissostitwihom.";

(b) is-subpartita (2) tagħha għandha tiġi sostitwita bis-

subpartita ġdida li ġejja

"(2) Il-provvista ta’ kura fi sptar u kura medika

mwettqa minn kwalunkwe sptar jew istituzzjoni tal-gvern,

jew minn kwalunkwe sptar, istituzzjoni, jew ċentru ieħor

għal trattament jew dijanjożi medika approvata mill-

Ministru għall-finijiet ta’ din is-subpartita.";

(ċ) is-subpartita (3) tagħha għandha tiġi sostitwita bis-

subpartita ġdida li ġejja

"(3) Il-provvista ta’ servizzi minn tekniċi dentali fil-

kapaċità professjonali tagħhom u l-provvista ta’ protesi

dentali minn dentisti u tekniċi dentali.";

(d) is-subpartita (6) tagħha għandha tiġi sostitwita bis-

subpartita ġdida li ġejja

"(6) Il-provvista ta’ organi umani, demm uman u

ħalib uman.";

(e) minnufih wara s-subpartita (6) tagħha, kif emendata,

għandha tiġi miżjuda s-subpartita ġdida li ġejja

"(7) Il-provvista ta’ oġġetti u servizzi mill-istess

sptar, istituzzjoni, ċentru jew dar, skont il-każ, li jipprovdu

s-servizzi msemmija fis-subpartiti (2) u (4), u li huma

konnessi ma’, u essenzjali għall-provvista ta’ dawk is-

servizzi, iżda fejn din l-eżenzjoni x’aktarx li ma tkunx se

tikkaġuna distorsjoni tal-kompetizzjoni.".