taħt il-patroċinju tal-Fakultà tal-Ambjent Mibni

Suppliment tal-Gazzetta tal-Gvern ta’ Malta Nru. 21,250, 28 ta’ Mejju, 2024

Taqsima B

A.L. 120 tal-2024

ATT DWAR L-EDUKAZZJONI

(KAP. 327)

L-Ordinamenti tal-2024 skont ir-Regolamenti Ġenerali tal-2021

għar-Rikonoxximenti Universitarji ta’ wara l-Ewwel Grad

għall-Grad ta’ Master of Conservation – M.Cons. -

taħt il-patroċinju tal-Fakultà tal-Ambjent Mibni

BIS-SAĦĦA tas-setgħat mogħtija lilu skont l-artikoli 74(5) u 75(6) tal-Att dwar

l-Edukazzjoni (Kap. 327), il-Kanċillier tal-Università ta’ Malta ppromulga dawn

l-ordinamenti magħmulin mill-Bord tal-Fakultà tal-Ambjent Mibni bis-saħħa tas-

setgħat mogħtija lilu skont l-artikolu 81(1)(ċ) ta’ dak l-Att u li ġew approvati mis-

Senat tal-Università ta’ Malta kif jirrikjedi l-artikolu 81(2) ta’ dak l-Att

It-Titlu u l-Interpretazzjoni

(1) Dawn l-ordinamenti jistgħu jissejħu bħala l-Ordinamenti tal-2024

skont ir-Regolamenti Ġenerali tal-2021 għar-Rikonoxximenti Universitarji ta’ wara

l-Ewwel Grad għall-grad ta’ Master of Conservation – M.Cons. - taħt il-patroċinju

tal-Fakultà tal-Ambjent Mibni.

(2) F’dawn l-ordinamenti, kemm-il darba r-rabta tal-kliem ma teħtieġx

mod ieħor –

“il-Bord” tfisser il-Bord tal-Fakultà tal-Ambjent Mibni;

“il-Grad” tfisser il-grad ta’ Master of Conservation – M.Cons.;

“il-Kors” tfisser il-programm ta’ studju li jwassal għall-grad ta’ Master of

Conservation – M.Cons.;

“il-Postgraduate Diploma” tfisser il-Postgraduate Diploma in Heritage Studies

– P.G. Dip.; u

“ir-Regolamenti Prinċipali” tfisser ir-Regolamenti Ġenerali tal-2021 għar-

Rikonoxximenti Universitarji ta’ wara l-Ewwel Grad.

L-Applikabilità

Dawn l-ordinamenti għandhom japplikaw għall-korsijiet li jibdew f’Ottubru

2024 jew wara.

L-Oqsma ta’ Speċjalizzazzjoni

Suġġett għall-approvazzjoni tas-Senat u għad-disponibbiltà tar-riżorsi,

il-Kors jkun offrut fi kwalunkwe qasam ta’ speċjalizzazzjoni fil-Konservazzjoni li

jaqa’ taħt ir-responsabbilità akkademika tal-Bord. Il-Bord għandu jħabbar l-oqsma

ta’ speċjalizzazzjoni fiż-żmien tas-sejħa għall-applikazzjonijiet.

Ir-Rekwiżiti għad-Dħul

(1) Il-Kors ikun miftuħ għall-applikanti li għandhom

(a) grad ta’ Baċellerat fil-Conservation Studies minn din l-Università miksub

mill-anqas fit-Tieni Klassi (bl-Unuri); jew

(b) grad ta’ Baċellerat li jinkludi mhux anqas minn 180 krettu ECTS u miksub

mill-anqas fit-Tieni Klassi (bl-Unuri) jew f’Kategorija II f’dixxiplina relatata mal-

Arkeoloġija, l-Arkitettura, il-Bijoloġija, il-Fine Arts, il-Fiżika, l-Inġinerija, l-Istorja

tal-Arti, il-Kimika jew il-Konservazzjoni u r-Restorazzjoni; jew

(ċ) kwalifiki meqjusa mis-Senat, fuq ir-rakkomandazzjoni tal-Bord, bħala

komparabbli għall-kwalifika msemmija fil-paragrafu (a) ta’ dan l-ordinament.

(2) L-applikanti li jidħlu fil-Kors skont il-paragrafu (b) u, jekk neċessarju,

(ċ) tal-paragrafu (1) ta’ dan l-ordinament ikunu meħtieġa jtemmu b’suċċess programm

preparatorju li jinkludi 60 krettu ECTS, b’marka medja globali ta’ 65% jew aħjar,

qabel ir-reġistrazzjoni tagħhom bħala studenti regolari fil-Kors. Qabel ma jiġu

aċċettati fil-programm preparatorju dawn l-applikanti għandhom jiksbu wkoll marka

ta’ mill-anqas 60% f’test/testijiet kif stabbilit mill-Bord. It-test/testijiet għandhom

isiru mhux aktar tard minn xahar qabel il-bidu tal-Kors.

It-Tul tal-Kors

Il-Kors għandu jinfirex fuq erba’ semestri ta’ studju fuq bażi full-time

jew l-ekwivalenti fi studju fuq bażi part-time, inkluż żewġ stadji ta’ esperjenza fil-

konservazzjoni li għandhom isiru matul iż-żewġ perijodi tas-sajf.

Il-Programm ta’ Studju

(1) Il-programm ta’ studju għandu jkun magħmul minn t aqsimiet-studju

li għalihom hemm assenjati total ta’ 120 krettu ECTS, li minnhom 80 krettu ECTS

ikunu assenjati għal taqsimiet-studju mgħallma u prattiċi, 10 kretti ECTS ikunu

assenjati għaż-żewġ esperjenzi prattiċi fil-konservazzjoni u 30 krettu ECTS ikunu

assenjati għat-taqsima-studju tad-dissertazzjoni.

(2) L-istudenti li jiksbu minimu ta’ 60 krettu ECTS assenjati għat-taqsimiet-

studju mgħallma u prattiċi b’marka medja ta’ mill-inqas 50% u li ma jkomplux il-

Kors, jew jekk ikomplu ma jtemmux b’suċċess il-Kors, jkunu eliġibbli għall-għoti

tal-Postgraduate Diploma.

(3) Il-programm ta’ studju għandu jkun ippubblikat wara l-approvazzjoni

tas-Senat, normalment mhux anqas minn tmien xhur qabel il-bidu tal-Kors.

Id-Dissertazzjoni

(1) L-istudenti huma meħtieġa jippreżentaw dissertazzjoni individwali sa

20,000 kelma skont il-linji gwida maħruġin mill-Bord.

(2) Ix-xogħol fuq id-dissertazzjoni għandu jsir matul it-tielet u r-raba’

semestri tal-Kors. Kull student għandu jkun assenjat superviżur, u ko-superviżur jekk

is-suġġett tar-riċerka jkun jeħieġ dan, li jipprovdu gwida u pariri fuq bażi regolari

waqt il-perijodu ta’ studju.

(3) It-titlu provviżorju tad-dissertazzjoni u l-proposta ta’ riċerka dettaljata

għandhom ikunu mressqa għall-approvazzjoni tal-Bord sal-aħħar tat-tieni semestru

tal-Kors.

(1) L-istudenti huma meħtieġa jkollhom kuntatt regolari mas-superviżur/i

tagħhom, mhux inqas minn darba fix-xahar.

(2) Is-superviżuri għandhom jibgħatu lill-Bord rapporti dwar il-progress

ta’ kull student taħt is-superviżjoni tagħhom fit-tmiem ta’ kull semestru ta’ studji,

kemm jekk l-istudent ikun qiegħed isegwi l-Kors fuq bażi full-time u kemm jekk

part-time. Dawn ir-rapporti jistgħu jinkludu rakkomandazzjoni li jew (a) jittawwal

il-perijodu ta’ studju biex l-istudent ikun jista’ jtemm id-dissertazzjoni; jew (b)

jintemmu l-istudji qabel il-waqt jekk is-superviżur jidhirlu li dan huwa xieraq fiċ-

ċirkostanzi, sakemm li

(i) l-estensjoni tal-perijodu ta’ studju msemmija f’(a) tkun skont il-

provvedimenti tar-Regolamenti Prinċipali; u

(ii) il-Bord ma jistax itemm l-istudji qabel il-waqt skont (b) jekk qabel ma

jkunx ta opportunità lill-istudent sabiex jiddefendi l-każ tiegħu.

Il-Klassifikazzjoni tar-Rikonoxximenti

Il-Marka Medja Finali Mwieżna għall-iskop tal-klassifikazzjoni tal-

Postgraduate Diploma u tal-Grad għandha tkun ibbażata fuq ir-riżultati miksuba fil-

komponenti kollha tal-programm ta’ studju li jingħataw marka/grad, b’dawn il-kretti

kollha jingħataw piż indaqs.

Il-Provvedimenti Speċjali għall-Korsijiet fuq Bażi Part-Time

(1) Il-Bord jista’, minn żmien għal żmien, joffri lill-istudenti l-opportunità

li jsegwu l-Kors fuq bażi part-time.

(2) Il-provvedimenti tal-ordinamenti preċedenti għandhom japplikaw

mutatis mutandis għall-korsijiet li jsiru fuq bażi part-time, u suġġett għal dawk it-

tibdiliet li jistgħu raġonevolment jitqiesu mill-Bord bħala neċessarji minħabba

n-natura part-time tal-Kors.