ta’ Taqsimiet-Studju u Għotjiet

Suppliment tal-Gazzetta tal-Gvern ta’ Malta Nru. 21,074, 23 ta’ Ġunju, 2023

Taqsima B

A.L. 134 tal-2023

ATT DWAR L-EDUKAZZJONI

(KAP. 327)

Ir-Regolament tal-2023 biex jemenda r-Regolamenti dwar iċ-Ċertifikazzjoni

ta’ Taqsimiet-Studju u Għotjiet

BIS-SAĦĦA tas-setgħat mogħtija lilu bl-artikoli 74 (5) u 75 (6) tal-Att dwar

l-Edukazzjoni (Kap. 327), il-Kanċillier tal-Università ta’ Malta ppromulga dan

ir-regolament magħmul mis-Senat tal-Università ta’ Malta bis-saħħa tas-setgħat

mogħtija lilu bl-artikoli 75 (3) u 79 (b) ta’ dak l-Att

It-Titlu

Dan ir-regolament jista’ jissejjaħ bħala r-Regolament tal-2023 biex jemenda

r-Regolamenti dwar iċ-Ċertifikazzjoni ta’ Taqsimiet-Studju u Għotjiet u għandu

jinqara u jinftiehem bħala ħaġa waħda mar-Regolamenti dwar iċ- Ċertifikazzjoni ta’

Taqsimiet-Studju u Għotjiet, ippubblikati bħala Avviż Legali 392 tal-2020, li minn

hawn ’il quddiem jissejħu “ir-regolamenti prinċipali”.

L-Applikabilità

Dan ir-regolament għandu japplika mill-1 ta’ Ottubru 2023 ’il quddiem.

L-Emenda għar-regolament 3 tar-regolamenti prinċipali

Minflok il-paragrafu (4) tar-regolament 3 tar-regolamenti prinċipali

għandu jidħol dan li ġej

“(4) Il-Bord ta’ Fakultà li joffri kors li jwassal għal ċertifikat, diploma jew

grad jista’ jippermetti t-trasferiment ta’ tali kretti għal wieħed mill-korsijiet tiegħu

jekk il-kontenut u l-livell ikunu komparabbli u jekk it-taqsimiet-studju kkonċernati

jkunu tlestew mhux aktar minn seba’ snin qabel.”