taħt il-patroċinju tal-Fakultà tal-Mediċina u l-Kirurġija

B

Suppliment tal-Gazzetta tal-Gvern ta’ Malta Nru. 19,570, 9 ta’ Mejju, 2016

Taqsima B

A.L. 159 tal-2016

ATT DWAR L-EDUKAZZJONI

(KAP. 327)

L-Ordinamenti tal-2016 skont ir-Regolamenti Ġenerali tal-2008

għar-Rikonoxximenti Universitarji ta’ wara l-Ewwel Grad

għall-Grad ta’ Master of Laparoscopic Surgery – M. Lap. Surg. -

taħt il-patroċinju tal-Fakultà tal-Mediċina u l-Kirurġija

BIS-SAĦĦA tas-setgħat mogħtija lilu skont l-artikoli 74(5) u 75(6) tal-Att dwar

l-Edukazzjoni (Kap. 327), il-Kanċillier tal-Università ta’ Malta ppromulga dawn

l-ordinamenti magħmulin mill-Bord tal-Fakultà tal-Mediċina u l-Kirurġija bis-saħħa

tas-setgħat mogħtija lilu skont l-artikolu 81(1)(ċ) ta’ dak l-Att u li ġew approvati mis-

Senat tal-Università ta’ Malta kif jirrikjedi l-artikolu 81(2) ta’ dak l-Att

It-Titlu u l-Interpretazzjoni

(1) Dawn l-ordinamenti jistgħu jissejħu bħala l-Ordinamenti tal-2016

skont ir-Regolamenti Ġenerali tal-2008 għar-Rikonoxximenti Universitarji ta’ wara

l-Ewwel Grad għall-grad ta’ Master of Laparoscopic Surgery – M. Lap. Surg. - taħt

il-patroċinju tal-Fakultà tal-Mediċina u l-Kirurġija.

(2) F’dawn l-ordinamenti, sakemm il-kuntest ma jirrikjedix mod ieħor -

“il-Bord” tfisser il-Bord tal-Fakultà tal-Mediċina u l-Kirurġija;

“il-Bord tal-Istudji” tfisser il-Bord tal-Istudji maħtur mis-Senat għall-Kors, fuq

ir-rakkomandazzjoni tal-Bord;

“il-Grad” tfisser il-grad ta’ Master of Laparoscopic Surgery - M. Lap. Surg.;

“il-Kors” tfisser il-programm ta’ studju li jwassal għall-grad ta’ Master of

Laparoscopic Surgery - M. Lap. Surg.;

“il-Postgraduate Diploma” tfisser il-Postgraduate Diploma in Laparoscopic

Surgery – P.G.Dip. Lap.Surg.; u

“ir-Regolamenti Prinċipali” tfisser ir-Regolamenti Ġenerali tal-2008 għar-

Rikonoxximenti Universitarji ta’ wara l-Ewwel Grad.

B

L-Applikabilità

Dawn l-ordinamenti għandhom japplikaw għall-korsijiet li jibdew f’Ottubru

2016 jew wara.

Ir-Rekwiżiti għad-Dħul

(1) Il-Kors huwa miftuħ għal applikanti li għandhom il-grad ta’ Doctor of

Medicine and Surgery jew l-ekwivalenti flimkien ma’ tal-anqas tliet snin esperjenza

ta’ xogħol fil-kirurġija. Din l-esperjenza għandha normalment tkun miksuba wara li

l-applikanti jingħataw il-kwalifika ta’ Doctor of Medicine and Surgery.

(2) L-applikanti kollha huma meħtieġa jissottomettu mal-applikazzjoni

tagħhom ittra ta’ motivazzjoni miktuba bl-Ingliż għaliex qegħdin japplikaw għall-

Kors, kif ukoll kopja tal-Curriculum Vitae (C.V.) tagħhom. L-applikanti huma wkoll

meħtieġa li juru evidenza li huma koperti minn polza valida tal-assigurazzjoni tal-

indennità matul iż-żmien tal-Kors.

(3) Is-Senat, fuq ir-rakkomandazzjoni tal-Bord, għandu jiddetermina

n-numru ta’ applikanti li jistgħu jitħallew jirreġistraw għall-Kors, skont ir-riżorsi

disponibbli. L-għadd ta’ postijiet disponibbli għandu jitħabbar fiż-żmien tas-sejħa

għall-applikazzjonijiet.

(4) Meta l-għadd ta’ applikanti li jistgħu jidħlu għall-Kors ikun limitat

skont il-paragrafu (3) ta’ dan l-ordinament, u n-numru ta’ applikanti eliġibbli

jaqbeż in-numru ta’ postijiet disponibbli, l-applikanti għandhom jintgħażlu skont il-

kriterji li ġejjin, li l-piż tagħhom għandu jkun ippubblikat fiż-żmien tas-sejħa għall-

applikazzjonijiet

(a) il-klassifikazzjoni tal-ewwel grad;

(b) l-esperjenza fil-qasam ta’ studju;

(ċ) l-ittra ta’ motivazzjoni; u

(d) il-livell milħuq waqt intervista.

(5) Il-bord ta’ l-intervisti maħtur mill-Bord għandu jkun magħmul minn

tal-anqas tliet membri. Il-bord ta’ l-intervisti jista’ juża mezzi ta’ komunikazzjoni

elettroniċi sabiex isiru l-intervisti mal-applikanti.

(6) Għall-iskop tal-għażla, l-applikanti li l-kwalifiki tagħhom, kif stipulat

f’dan l-ordinament, ikunu miksuba sal-31 t’Awwissu qabel il-bidu tal-Kors għandhom

jitqiesu l-ewwel.

It-Tul tal-Kors

Il-Kors għandu jinfirex fuq tliet semestri ta’ studju fuq bażi full-time, jew

sitt semestri ta’ studju fuq bażi part-time, inkluż is-semestri tas-sajf.

B

Il-Programm ta’ Studju

(1) Il-programm ta’ studju jikkonsisti minn taqsimiet studju li għalihom

hemm assenjati total ta’ 90 krettu ECTS, li minnhom 60 krettu ECTS huma assenjati

għal taqsimiet studju mgħallma u kliniċi u 30 krettu ECTS huma assenjati għad-

dissertazzjoni.

(2) L-istudenti li jiksbu s-60 krettu ECTS assenjati għat-taqsimiet studju

mgħallma u kliniċi b’marka medja ta’ mill-anqas 50% u ma jkomplux il-Kors, jew

wara li komplew ma jtemmux b’suċċess il-Kors, ikunu eliġibbli għall-għoti tal-

Postgraduate Diploma.

(3) L-istudenti jkunu eliġibbli għall-għoti tal-Grad jekk jiksbu d-90 krettu

ECTS kif imsemmi fil-programm ta’ studju għall-Kors b’marka medja ta’ mill-anqas

50%.

(4) Il-programm ta’ studju jkun ippubblikat wara l-approvazzjoni tas-

Senat, normalment mhux inqas minn tmien xhur qabel il-bidu tal-Kors.

Il-Valutazzjoni u l-Progress

(1) Il-valutazzjoni ta’ kull taqsima studju mgħallma u klinika għandha tkun

kompluta sal-aħħar tas-semestru li fih ikun sar it-tagħlim tat-taqsima studju.

(2) L-istudenti li, f’xi sena akkademika’ jeħlu fil-valutazzjoni ta’ mhux

aktar minn 20 krettu ECTS għat-taqsimiet studju mgħallma u kliniċi, jekk ikunu

qegħdin isegwu l-Kors full-time, jew mhux aktar minn 10 kretti ECTS jekk qegħdin

isegwu l-Kors part-time, għandhom jingħataw l-opportunità li joqogħdu għall-

valutazzjoni mill-ġdid fit-taqsimiet studju li weħlu minnhom fis-sessjoni tal-eżamijiet

supplimentari ta’ Settembru.

(3) L-istudenti li jeħlu f’aktar mill-għadd ta’ kretti permessi skont il-

paragrafu (2) ta’ dan l-ordinament, jew l-istudenti li wara valutazzjoni mill-ġdid ma

jiksbux il-kretti għal xi taqsima studju, ikunu meqjusa li weħlu mill-Kors.

Id-Dissertazzjoni

(1) L-istudenti huma meħtieġa li jippreżentaw dissertazzjoni individwali

ta’ madwar 25,000 kelma skont il-linji gwida maħruġin mill-Bord.

(2) Ix-xogħol fuq id-dissertazzjoni għandu jsir waqt it-tielet semestru tal-

Kors. Kull student ikun assenjat superviżur li għandu jipprovdi gwida u pariri fuq

bażi regolari waqt il-perijodu ta’ studju.

B

(3) It-titlu provviżorju tad-dissertazzjoni u l-proposta ta’ riċerka dettaljata

għandhom ikunu mressqa għall-approvazzjoni tal-Bord skont id-data indikata mill-

Bord tal-Istudji.

(1) L-istudenti għandhom iżommu kuntatt regolari mas-superviżur tagħhom.

(2) Is-superviżuri għandhom jibagħtu lill-Bord tal-Istudji rapporti dwar il-

progress tal-istudenti taħt is-superviżjoni tagħhom. Dawn ir-rapporti jistgħu jinkludu

rakkomandazzjoni li jew (a) jestendu l-perijodu ta’ studju biex l-istudent ikun jista’

jtemm id-dissertazzjoni; jew (b) jintemmu l-istudji qabel il-waqt jekk is-superviur

jidhirlu li dan huwa xieraq fiċ-ċirkostanzi, sakemm li

(i) l-estensjoni tal-perijodu ta’ studju msemmija f’(a) għandu jkun skont il-

provvedimenti tar-Regolamenti Prinċipali; u

(ii) il-Bord ma jistax itemm l-istudji qabel il-waqt skont (b) jekk qabel ma

jkunx ta opportunità lill-istudent li jiddefendi l-każ tiegħu.

Il-Klassifikazzjoni tar-Rikonoxximenti

Il-Marka Medja Finali Mwieżna għall-iskop tal-klassifikazzjoni tal-

Postgraduate Diploma u tal-Grad għandha tkun ibbażata fuq ir-riżultati miksuba fil-

komponenti kollha tal-programm ta’ studju, bil-kretti kollha jingħataw piż indaqs.

Il-Provvedimenti Speċjali għall-Korsijiet fuq Bażi Part-Time

Il-provvedimenti tal-ordinamenti preċedenti għandhom japplikaw mutatis

mutandis għall-korsijiet li jsiru fuq bażi part-time, u soġġett għal dawk it-tibdiliet li

jistgħu raġonevolment jitqiesu mill-Bord bħala neċessarji minħabba n-natura part-

time tal-Kors.