bil-kollaborazzjoni tal-Fakultà tal-Arti

Suppliment tal-Gazzetta tal-Gvern ta’ Malta Nru. 18,736, 21 ta’ April, 2011

Taqsima B

A.L. 143 tal-2011

ATT DWAR L-EDUKAZZJONI

(KAP. 327)

L-Ordinamenti tal-2011 skont ir-Regolamenti Ġenerali tal-2008

għar-Rikonoxximenti Universitarji ta’ wara l-Ewwel Grad

għall-Grad ta’ Master of Arts in Anglo-Italian Studies

taħt il-patroċinju tal-Istitut għall-Istudji Anglo-Taljani

bil-kollaborazzjoni tal-Fakultà tal-Arti

BIS-SAĦĦA tas-setgħat mogħtija lilu skont l-artikoli 74(5) u

75(6) tal-Att dwar l-Edukazzjoni (Kap. 327), il-Kanċillier tal-

Università ta’ Malta ppromulga dawn l-ordinamenti magħmulin mill-

Bord tal-Istitut għall-Istudji Anglo-Taljani bis-saħħa tas-setgħat

mogħtija lilu skont l-artikolu 5 (b) (v) tal-Istatut għal-Istitut u li ġew

approvati mis-Senat tal-Università ta’ Malta

It-Titolu u l-Interpretazzjoni

(1) Dawn l-ordinamenti jistgħu jissejħu bħala l-Ordinamenti tal-2011

skont ir-Regolamenti Ġenerali tal-2008 għar-Rikonoxximenti Universitarji ta’ wara

l-Ewwel Grad għall-grad ta’ Master of Arts in Anglo-Italian Studies taħt il-

patroċinju tal-Istitut għall-Istudji Anglo-Taljani bil-kollaborazzjoni tal-Fakultà tal-

Arti.

(2) F’dawn l-ordinamenti, kemm-il darba r-rabta tal-kliem ma teħtieġx

mod ieħor –

“il-Bord tal-Istudji” tfisser il-Bord tal-Istudji maħtur mis-Senat għall-Kors,

fuq ir-rakkomandazzjonijiet tal-Bordijiet tal-Istitut għall-Istudji Anglo-Taljani u tal-

Fakultà tal-Arti;

“il-Grad” tfisser il-grad ta’ Master of Arts in Anglo-Italian Studies;

“il-Kors” tfisser il-programm ta’ studju li jwassal għall-grad ta’ Master of

Arts in Anglo-Italian Studies; u

“ir-Regolamenti Prinċipali” tfisser ir-Regolamenti Ġenerali tal-2008 għar-

Rikonoxximenti Universitarji ta’ wara l-Ewwel Grad.

L-Applikabilità

Dawn l-ordinamenti għandhom japplikaw għall-korsijiet li jibdew

f’Ottubru 2010 jew wara.

Ir-Rekwiżiti għad-Dħul

Il-Kors ikun miftuħ għall-applikanti li għandhom waħda minn dawn il-

kwalifiki

(a) il-grad ta’ Bachelor fl-Ingliż jew fit-Taljan għall-anqas fit-Tieni Klassi

(bl-Unuri) tal-Università ta’ Malta; jew

(b) il-grad ta’ Bachelor fl-Ingliż jew fit-Taljan għall-anqas f’Kategorija II,

iżda l-applikanti jistgħu jkunu meħtieġa jtemmu programm preparatorju kif

speċifikat fl-ordinament 4.

Il-Programm Preparatorju

L-applikanti li m’għandhomx grad bl-Unuri u jidħlu skont il-paragrafu (b)

tal-ordinament 3 ikunu meħtieġa jtemmu programm preparatorju, li jikkonsisti minn

mhux anqas minn 30 krettu u mhux aktar minn 60 krettu kif indikat mill-Bord tal-

Istudji, skont in-numru ta’ kretti diġà miksuba f’dak il-qasam ta’ studju, b’marka

medja globali ta’ 55% jew aħjar, qabel ir-reġistrazzjoni tagħhom bħala studenti

regolari fil-Kors.

It-Tul tal-Kors

Il-Kors għandu jinfirex fuq tliet semestri ta’ studju fuq bażi full-time jew

l-ekwivalenti fi studju part-time.

Il-Programm ta’ Studju

(1) Il-programm ta’ studju għandu jikkonsisti minn taqsimiet studju li

għalihom hemm assenjati total ta’ 90 krettu, li minnhom 30 krettu huma assenjati

għal taqsimiet studju mgħallma u 60 krettu huma assenjati għat-taqsima studju tad-

dissertazzjoni.

(2) Il-programm ta’ studju għandu jkun ippubblikat wara l-approvazzjoni

tas-Senat normalment mhux anqas minn tmien xhur qabel il-bidu tal-Kors.

Il-Valutazzjoni u l-Progress

(1) Il-valutazzjoni ta’ kull taqsima studju mgħallma għandha tkun

kompluta sal-aħħar tas-semestru li fih ikun sar it-tagħlim tat-taqsima studju.

(2) Dawk l-istudenti li jeħlu fil-valutazzjoni ta’ mhux aktar minn 10

kretti għat-taqsimiet studju mgħallma jingħataw l-opportunità li joqgħodu għall-

valutazzjoni mill-ġdid fit-taqsimiet studju li weħlu minnhom matul is-sessjoni tal-

eżamijiet supplimentari ta’ Settembru.

(3) L-istudenti li jeħlu f’aktar minn 10 kretti jew l-istudenti li wara

valutazzjoni mill-ġdid ma jiksbux il-kretti għal xi taqsima studju, jkunu meqjusa li

weħlu mill-Kors.

Id-Dissertazzjoni

(1) L-istudenti huma meħtieġa jippreżentaw dissertazzjoni individwali ta’

madwar 50,000 kelma skont il-linji gwida maħruġin mill-Bord tal-Istudji.

(2) Ix-xogħol fuq id-dissertazzjoni jista’ jsir wara l-approvazzjoni tal-

proposta. Kull student ikun assenjat superviżur li għandu jipprovdi gwida u pariri

fuq bażi regolari waqt il-perijodu ta’ studju.

(3) It-titlu provviżorju tad-dissertazzjoni u l-proposta ta’ riċerka dettaljata

għandhom ikunu mressqa għall-approvazzjoni tal-Bord tal-Istudji fiż-żmien tas-

sejħa tal-applikazzjonijiet.

(1) L-istudenti għandhom iżommu kuntatt regolari mas-superviżur

tagħhom.

(2) Is-superviżuri għandhom jibgħatu lill-Bord tal-Istudji rapport dwar

il-progress ta’ kull student taħt is-superviżjoni tagħhom fl-aħħar ta’ kull semestru ta’

studju, kemm jekk l-istudent qiegħed isegwi l-Kors fuq bażi full-time jew fuq bażi

part-time. Dawn ir-rapporti jistgħu jinkludu rakkomandazzjoni li jew (a) jittawwal

il-perijodu ta’ studju biex l-istudent ikun jista’ jtemm id-dissertazzjoni; jew (b)

jintemmu l-istudji qabel il-waqt jekk is-superviżur jidhirlu li dan huwa xieraq fiċ-

ċirkostanzi, sakemm li

(i) l-estensjoni tal-perijodu ta’ studju msemmija f’(a) tkun skont il-

provvedimenti tar-Regolamenti Prinċipali; u

(ii) il-Bord tal-Istudji ma jistax itemm l-istudji qabel il-waqt skont (b) jekk

qabel ma jkunx ta opportunità lill-istudent li jiddefendi l-każ tiegħu.

Il-Klassifikazzjoni tar-Rikonoxximent

Il- Marka Medja Finali Mwieżna għall-iskop tal-klassifikazzjoni tal-Grad

għandha tkun ibbażata fuq ir-riżultati miksuba fil-komponenti kollha tal-programm

ta’ studju, bil-kretti kollha jingħataw piż indaqs.

Il-Provvedimenti Speċjali għall-Korsijiet fuq Bażi Part-Time

Il-provvedimenti tal-ordinamenti preċedenti għandhom japplikaw mutatis

mutandis għall-korsijiet li jsiru fuq bażi part-time, u suġġett għal dawk it-tibdiliet li

jistgħu raġonevolment jitqiesu mill-Bord tal-Istudji bħala neċessarji minħabba n-

natura part-time tal-Kors.