Management of Cultural Heritage

B

Suppliment tal-Gazzetta tal-Gvern ta’ Malta, Nru. 17,907, 11 ta’ April, 2006

Taqsima B

A.L. 91 ta’ l-2006

ATT DWAR L-EDUKAZZJONI

(KAP. 327)

L-Ordinamenti ta’ l-2006 skond ir-Regolamenti

Ġenerali għar-Rikonoxximenti Universitarji sa l-Ewwel Grad, 2004

għall-Grad ta’ Bachelor in Conservation and Restoration Studies (Honours)

– B.Cons. (Hons) – taħt il-patroċinju ta’ l-Institute of Conservation and

Management of Cultural Heritage

BIS-SAĦĦA tas-setgħat mogħtija lilu skond l-artikoli 30(5) u 31(6)

ta’ l-Att dwar l-Edukazzjoni (Kap. 327), il-Kanċillier ta’ l-Università ta’

Malta ppromulga dawn l-ordinamenti magħmulin mis-Senat fuq ir-

rakkomandazzjoni ta’ l-Institute of Conservation and Management of

Cultural Heritage bis-saħħa tas-setgħat mogħtija lilu skond l-artikolu 37(1)

ta’ dak l-Att u li ġew approvati mis-Senat ta’ l-Università ta’ Malta kif

jirrikjedi l-artikolu 37(2) ta’ dak l-Att

Titolu u Interpretazzjoni

(1) Dawn l-ordinamenti jistgħu jissejħu bħala l-Ordinamenti ta’ l-2006

skond ir-Regolamenti Ġenerali għar-Rikonoxximenti Universitarji sa l-Ewwel Grad,

2004 għall-grad ta’ Bachelor in Conservation and Recstoration Studies (Honours) –

B.Cons (Hons) – taħt il-patroċinju ta’ l-Institute of Conservation and Management

of Cultural Heritage.

(2) F’dawn l-ordinamenti, kemm-il darba r-rabta tal-kliem ma titlobx

mod ieħor -

“il-Bord ta’ l-Istudji” tfisser il-Bord ta’ l-Istudji għall-Kors maħtur mis-

Senat, fuq ir-rakkomandazzjoni ta’ l-Istitut;

“il-Grad” tfisser il-grad ta’ Bachelor in Conservaation and Restoration

Studies (Honours) – B.Cons (Hons);

“l-Istitut” tfisser l-Institute of Conservation and Management of Cultural

Heritage;

“il-Kors” tfisser il-programm ta’ studji li jwassal għall-grad ta’ Bachelor in

Conservation and Restoration Studies (Honours) – B.Cons (Hons); u

“ir-Regolamenti Prinċipali” tfisser ir-Regolamenti

Ġenerali

għar-

Rikonoxximenti Universitarji sa l-Ewwel Grad, 2004.

L-Applikabilita’

Dawn l-ordinamenti għandhom japplikaw għall-korsijiet li jibdew

f’Ottubru 2004 jew wara.

L-Oqsma ta’ Studju

Skond il-provvedimenti ta’ dawn l-ordinamenti, l-oqsma ta’ studju

normalment offruti fil-Kors huma dawn li ġejjin

Qasam ta’ Studju A - Paintings and Polychrome Sculpture

Qasam ta’ Studju B - Ċeramika, Ħġieġ, Metall u Ġebel

Qasam ta’ Studju Ċ - Tessuti

Qasam ta’ Studju D - Kotba u Karta.

L-applikanti huma meħtieġa jagħżlu qasam wieħed ta’ studju.

Il-Bord ta’ l-Istudji għandu jirrakkomanda lis-Senat il-qasam/l-oqsma ta’

studju offruti kull sena u l-għadd ta’ applikanti li jistgħu jitħallew jirreġistraw għal

kull qasam ta’ studju, skond ir-riżorsi disponibbli. L-għadd ta’ postijiet disponibbli

jkun imħabbar meta joħorġu l-applikazzjonijiet. L-oqsma ta’ studju jkunu offruti

jekk ikun hemm għadd biżżejjed ta’ applikanti kkwalifikati.

Jekk ikun hemm aktar applikanti eligibbli mill-għadd ta’ postijiet

disponibbli, l-applikanti jkunu magħżula skond il-livell li laħqu fl-Eżami għad-

Dħul.

Id-Dħul u r-Rekwiżiti Speċjali għall-Kors

(1) Biex ikunu rreġistrati bħala studenti regolari fil-Kors l-applikanti

għandhom, barra milli jissodisfaw ir-rekwiżiti ġenerali għad-dħul kif speċifikati fir-

Regolamenti għad-Dħul, ikollhom dawn ir-rekwiżiti speċjali għall-kors

(a) sa Ottubru 2006, ikunu għaddew fil-Livell Avvanzat fil-Kimika bi grad

D jew aħjar; minn Ottubru 2007, ikunu għaddew fil-Livell Intermedju fil-Kimika bi

grad C jew aħjar; u

(b) ikunu għaddew fl-Eżami għad-Dħul organizzat mill-Istitut, li għandu

jkun imfassal biex jeżamina l-kapaċita’ manwali u jittestja d-dispożizzjoni

akkademika, u, partikolarment, il-kapaċita’ tagħhom li jsegwu b’suċċess il-qasam

ta’ studju li għażlu.

(2) L-applikanti li għaddew fil-Livell Avvanzat fil-Kimika bi grad E

jew, minn Ottubru 2007, għaddew fil-Livell Intermedju fil-Kimika bi grad D, jidħlu

B

taħt dawk il-kundizzjonijiet li l-Bord ta’ l-Istudji jista’ jimponi biex jagħmel tajjeb

għall-kwalifiki nieqsa. Jekk, sa l-aħħar ta’ l-ewwel sena, dawn l-istudenti ma

jtemmux b’suċċess ir-rekwiżiti kollha biex jitilgħu regolarment għat-tieni sena tal-

Kors, huma ma kunux la intitolati biex jirrepetu s-sena u lanqas biex jitilgħu

kondizzjonalment kif normalment permess mir-Regolamenti Prinċipali.

L-Eżami għad-Dħul

L-applikanti kollha huma meħtieġa joqogħdu għall-Eżami għad-Dħul li

jsir kull sena jew fid-dati determinati mill-Bord ta’ l-Istudji.

L-Eżami għad-Dħul għandu normalment jikkonsisti minn test ta’ line

drawing, u test tal-kapaċita’ manwali u test tad-dispożizzjoni akkademika li

jikkonsistu minn eżamijiet bil-miktub u orali. Sabiex jgħaddu, l-applikanti huma

mistennija jgħaddu mill-komponenti kollha ta’ l-Eżami għad-Dħul, li jingħatalhom

l-istess piż. Il-mistoqsijiet isiru u għandhom jitwieġbu bl-Ingliż.

Il-karti ta’ l-Eżami għad-Dħul għandhom isiru minn eżaminaturi maħtura

mill-Bord ta’ l-Istudji.

It-Tul tal-Kors

Il-Kors jinfirex fuq perijodu ta’ erba’ snin ta’ studju fuq bażi full-time.

Il-Programm tal-Kors

Il-Kors jikkonsisti f’taqsimiet studju li għalihom hemm assenjati 240

kredtu, inklużi 20 kredtu assenjati għal dissertazzjoni.

Il-Bord ta’ l-Istudji għandu jippubblika l-programm ta’ studju, imfassal

skond il-provvedimenti rilevanti tar-Regolamenti Prinċipali, u approvat mis-Senat.

Suġġett għall-tibdiliet li l-Bord ta’ l-Istudji, bl-approvazzjoni tas-Senat, jista’ ikun

kostrett jagħmel, l-istudenti huma marbuta li jsegwu t-taqsimiet studju u jiksbu l-

kredti kif indikat fil-programm ta’ studju li qed isegwu għall-Grad.

Id-Dissertazzjoni

Fir-Raba’ Sena tal-Kors, l-istudenti huma meħtieġa jissottomettu

dissertazzjoni, li għandha tinkludi parti prattika, ta’ bejn l-10,000 u t-12,000 kelma

dwar suġġett approvat mill-Bord ta’ l-Istudji.

Il-Progress u l-Valutazzjoni

Ma jkunx hemm valutazzjoni supplimentari għat-taqsimiet studju

prattiċi. L-istudenti li jeħlu fit-taqsimiet studju prattiċi jkunu meħtieġa jerġgħu

jagħmluhom f’sena żejda ta’ studji skond ir-Regolamenti Prinċipali.

Fit-Tieni u fit-Tielet Sena l-istudenti huma meħtieġa jagħmlu taħriġ fil-

post fil-qasam ta’ studju tagħhom matul Lulju u Settembru. Għaxar kredti jingħataw

għal kull sessjoni ta’ taħriġ fuq il-post.

Il-Klassifikazzjoni tar-Rikonoxximent

Il-Marka Medja Finali Mwieżna għall-klassifikazzjoni tal-Grad għandha

tkun ibbażata fuq ir-riżultati miksuba fl-erba’ snin tal-Kors, li jingħataw piż kif ġej

It-taqsimiet studju ta’ l-Ewwel, it-Tieni u t-Tielet Sena

20% kull sena

It-taqsimiet studju tar-Raba’ Sena, inkluża d-dissertazzjoni

40%.