Master of Arts - M.A. - offrut miċ-Ċentru tat-Teknoloġija tal-Komunikazzjoni

B

Suppliment tal-Gazzetta tal-Gvern ta’ Malta, Nru. 17,907, 11 ta’ April, 2006

Taqsima B

A.L. 89 ta’ l-2006

ATT DWAR L-EDUKAZZJONI

(KAP. 327)

Ir-Regolamenti ta’ l-2006 biex jemendaw ir-Regolamenti tal-Kors għall-Grad ta’

Master of Arts - M.A. - offrut miċ-Ċentru tat-Teknoloġija tal-Komunikazzjoni

BIS-SAĦĦA tas-setgħat mogħtija lilu bl-artikoli 30 (5) u 31 (6) ta' l-Att

dwar l-Edukazzjoni (Kap. 327), il-Kanċillier ta' l-Universita' ta' Malta

ppromulga dawn ir-regolamenti magħmula mis-Senat ta' l-Universita' ta' Malta

bis-saħħa tas-setgħat mogħtija lilu bl-artikoli 31 u 35 ta' dak l-Att

It-Titolu

Dawn ir-regolamenti jistgħu jissejħu bħala r-Regolamenti ta’ l-2006 biex

jemendaw ir-Regolamenti tal-Kors għall-Grad ta’ Master of Arts - M.A. - u għandhom

jinqraw u jinftiehmu bħala ħaġa waħda mar-Regolamenti ta’ l-2002 tal-Kors għall-Grad

ta’ Master of Arts - M.A. - ippubblikati bħala Avviż Legali 307 ta’ l-2002, li minn hawn

‘il quddiem jissejħu “ir-regolamenti prinċipali”.

L-Applikabilita’

Dawn ir-regolamenti għandhom japplikaw għall-korsijiet li jibdew f’Ottubru

2005 jew wara.

L-Emenda għar-regolament 7 tar-regolamenti prinċipali

Minflok il-paragrafu (1) tar-regolament 7 tar-regolamenti prinċipali għandu

jidħol dan li ġej

“7. (1) Matul il-Kors Preparatorju, l-istudenti huma meħtieġa jirreġistraw għal

taqsimiet studju li għalihom hemm assenjati 60 kredtu. Biex itemmu l-Kors Preparatorju

b’suċċess, l-istudenti għandhom jiksbu 60 kredtu.”

Il-paragrafu (2) tar-regolament 7 tar-regolamenti prinċipali għandu jitħassar u

l-paragrafi (3) u (4) tar-regolament 7 għandhom jiġu nnumerati mill-ġdid bħala l-

paragrafi (2) u (3) rispettivament.

Minflok il-paragrafu (2) tar-regolament 7 tar-regolamenti prinċipali għandu

jidħol dan li ġej

“(2) Ir-riżultat tal-Kors Preparatorju għandu jqis il-livell milħuq mill-

istudenti fit-taqsimiet studju kollha li jingħataw piż kif ġej

Taqsimiet studju sinottiċi

60%

Taqsimiet studju oħra

40%.”

L-Emenda għar-regolament 9 tar-regolamenti prinċipali

Minflok ir-regolament 9 tar-regolamenti prinċipali għandu jidħol dan li ġej

“9. Il-Kors ikun offrut b’dawn il-modi ta’ studju

(a) taqsimiet studju mgħallma li għalihom hemm assenjati 56 kredtu u taqsima

studju sinottika li għaliha hemm assenjati 4 kredti; jew

(b) taqsimiet studju mgħallma li għalihom hemm assenjati 48 kredti, practicum li

għalih hemm assenjati 8 kredti u taqsima studju sinottika li għaliha hemm assenjati 4

kredti; jew

(ċ)

taqsimiet studju mgħallma li għalihom hemm assenjati 40 kredtu,

dissertazzjoni jew proġett li għalihom hemm assenjati 16-il kredtu u taqsima studju

sinottika li għaliha hemm assenjati 4 kredti.”

L-Emenda għar-regolament 12 tar-regolamenti prinċipali

Minflok il-paragrafi (2) u (3) tar-regolament 12 tar-regolamenti prinċipali

għandu jidħol dan li ġej

“(2) Ir-riżultati tal-valutazzjoni tal-komponenti kollha tal-Kors għandhom

ikunu ppubblikati bħala marka perċentwali u grad kif indikat fit-tabella hawn taħt

Firxa ta’ Marki

Grad

80% - 100%

A

70% - 79%

B

55% - 69%

C

45% - 54%

D

0 - 44%

F

Kemm il-marka perċentwali kif ukoll il-grad għandhom ikunu mniżżla fir-rekord

akkademiku ta’ l-istudenti. Madankollu, il-marka perċentwali biss għandha tintuża biex

tkun ikkalkulata l-klassifikazzjoni finali tal-Grad.

(3) L-istudenti li jeħlu f’xi taqsima studju jitħallew joqogħdu għall-

valutazzjoni supplimentari. Din il-valutazzjoni supplimentari normalment issir bl-istess

mod ta’ valutazzjoni bħall-ewwel valutazzjoni. Il-valutazzjoni supplimentari għandha

B

ssir matul sessjoni ta’ l-eżamijiet skedata (normalment f’Settembru). Fil-każ ta’

assenjamenti, il-valutazzjoni supplimentari għandha ssir b’arranġament mal-lettur

ikkonċernat. Fil-valutazzjoni supplimentari, l-ogħla marka u grad li jistgħu jingħataw

huma 45% - grad D.”

L-Emenda għar-regolament 14 tar-regolamenti prinċipali

Minflok il-paragrafu (1) tar-regolament 14 tar-regolamenti prinċipali għandu

jidħol dan li ġej

“14. (1) L-istudenti li jirreġistraw għall-mod ta’ studju li jinkludi dissertazzjoni

għandhom jippreżentaw it-titlu u l-proposta ta’ riċerka għad-dissertazzjoni għall-

approvazzjoni tal-Bord fiż-żmien stipulat mill-Bord. Il-proposta ta’ riċerka għandha tkun

mill-aktar dettaljata possibbli sabiex il-Bord ikun jista’ jevalwa sewwa jekk hiex proposta

xierqa.”

Minflok il-paragrafu (7) tar-regolament 14 tar-regolamenti prinċipali għandu

jidħol dan li ġej

“(7) Il-Bord ta’ l-Eżaminaturi jista’ jeħtieġ lill-istudenti joqogħdu għal

eżami viva voce dwar id-dissertazzjoni tagħhom u dwar il-qasam ta’ studju ġenerali li

tagħmel parti minnu.”

L-Emenda għar-regolament 17 tar-regolamenti prinċipali

Minflok ir-regolament 17 tar-regolamenti prinċipali għandu jidħol dan li ġej

“17. Id-dissertazzjonijiet jew il-proġetti għandhom jissodisfaw il-kriterji stabbiliti

mill-Bord għal dan il-għan.”

L-Emenda għar-regolament 18 tar-regolamenti prinċipali

Il-paragrafu (2) li ġej għandu jiżdied wara l-paragrafu (1) tar-regolament 18

tar-regolamenti prinċipali

“(2) Biex jingħataw il-Grad, l-istudenti għandhom jgħaddu mill-komponenti

kollha tal-Kors kif imniżżla fir-regolament 9.”

Il-paragrafu (2) preżenti tar-regolament 18 tar-regolamenti prinċipali għandu

jkun innumerat mill-ġdid bħala l-paragrafu (3).